Меѓународен фестивал за непрофесионален филм КАМЕРА 300
На 1-2.11.2019 год се одржа традиционалниот Меѓународен фестивал за непрофесионален филм КАМЕРА 300 во чест на браќата МАНАКИ во организација на кино-видео клубот Милтон Манаки, Народна техника Битола, Кино сојуз на Македонија и Народна техника на Македонија а со подршка на Агенцијата за филм на РСМ и општина Битола.Фестивалот го отвори градоначалничката на општина Битола г-га Наташа Петровска.
Прием и работна средба кај претседателот на Република Северна Македонија г-дин Стево Пендаровски
Прием и работна средба кај претседателот на Република Северна Македонија г-дин Стево Пендаровски на делегација од Народна техника на Македонија.
ПОВИК ЗА УЧЕСТВО 40-МАКИНОВА 2019 17-ЕКОНОВА 2019
Почитувани
Ни претставува чест и задоволство да Ве известиме дека во организација на Сојузот на пронаоѓачите и автори на технички унапредувања на Македонија- СПАТУМ и Народна техника на Македонија во континуитет од 1980 година по 40-ти пат се организира изложбата МАКИНОВА 2019 на која се изложуваат пронајдоци, иновации, нови технологии, нови производи, технички унапредувања, индустриски дизајн, трговски марки и младинско-истражувачко и креативно творештво. Изложбата МАКИНОВА 2019 ќе биде придружена по 17 пат со изложбата ЕКОНОВА 2019 на иновации, пронајдоци и идеи чија цел е подобрување на животната средина.
Манифестациите ќе се одржуваат во Музеј на град Скопје, во периодот од 8-10.11.2019 година.
СПАТУМ го упатува ПОВИКОТ до поединци, производни компании, научно-истражувачките организации, факултети, училишта, самостојните иноватори, клубовите на младите техничари и природници, наука на млади истражувачи да земат учество на најголемата манифестација во Македонија поврзана со инвентивното и креативното творештво, 40-МАКИНОВА 2019 и 17-ЕКОНОВА 2019.
Со своето присуство бидете дел од традицијата и инвентивното движење во Македонија, и искористете ја единствената можност да пред пошироката стопанска заедница и јавноста во Р.С Македонија да ја промовирате и афирмирате вашата идеја, иновација, пронајдок, нов производ, техничко унапредување, дизајн и трговска марка.
Пријавите за учество се прикачени на www.atcm.org.mk. Вашите пријави ги очекуваме електронски или по пошта најдоцна до 27 октомври 2019 година на адреса:
СПАТУМ ул.Градски Ѕид блок 5 , Република Северна Македонија п. Фах 14 Скопје 1000
Тел.++389 02 3238357 Организационен одбор на СПАТУМ
Претседател:
Проф.др Каракашова Љубица
mail: Оваа е-адреса е заштитена од спамботови. Треба да ви е овозможено JavaScript за да ја видите.
facebook:www.facebook.com/SZTKMnarodnatehnika
Пријава 40 та - МАКИНОВА 2019 (English)
Пријава 17 та - ЕКОНОВА 2019 (English)